Հետվիրահատական վարակների կանխարգելում. վիրակապությունների իրականացման ընթացակարգ

Վիրակապությունների ճիշտ իրականացումը նվազեցնում է բժշկական միջամտություններով պայմանավորված վարակների առաջացման ռիսկը: Սույն ընթացակարգը նախատեսված  է  բժշկական օգնություն և սպասարկում իրականացնող  բուժաշխատողների` վիրակապություններ իրականացնողների համար:

Պարտականություններ և պահանջներ՝ կապված անվտանգության և շրջակա միջավայրի պաշտպանության հետ.

• Վիրակապությունների իրականացման գործընթացի մեջ ներգրավված ողջ անձնակազմը պարտավոր է պահպանել ստանդարտ նախազգուշական միջոցառումներ (անհատական անվտանգության կանոններ)՝ կիրառելով անհատական պաշտպանության միջոցներ (խալաթ, ձեռնոցներ, դիմակ):
• Ձեռնոցների կիրառման դեպքում առաջնորդվել Հայաստանի Հանրապետության առողջապահության նախարարի 2013 թվականի հոկտեմբերի 11-ի թիվ 2718-Ա հրամանի «Ձեռնոցները որպես բժշկական միջամտությունների անվտանգության ապահովման միջոց» մեթոդական ուղեցույցի պահանջներով:
• Բժշկական թափոնների անվտանգ գործածության, ինչպես նաև անկանխատեսելի դեպքերի, արտակարգ իրավիճակների ժամանակ (պատահական ծակոցներ, թափոնների արտահոսք և այլն) հակահամաճարակային միջոցառումները իրականացվում են համաձայն Հայաստանի Հանրապետության առողջապահության նախարարի 2008 թվականի մարտի 4-ի թիվ 03–Ն հրամանի «Բժշկական թափոնների գործածությանը ներկայացվող հիգիենիկ և հակահամաճարակային պահանջներ» N 2.1.3-3 ՍանԿևՆ պահանջների:
• Ձեռքերի հիգիենան իրականացվում է Հայաստանի Հանրապետության առողջապահության նախարարի 2012 թվականի նոյեմբերի 22-ի թիվ 2700-Ա հրամանով հաստատված «Ժամանակակից մոտեցումներ ձեռքերի հիգիենայի վերաբերյալ» մեթոդական ուղեցույցի պահանջների համաձայն:

ՎԻՐԱԿԱՊՈՒԹՅՈՒՆՆԵՐԻ ԻՐԱԿԱՆԱՑՄԱՆ ԸՆԹԱՑԱԿԱՐԳ

1. Բուժանձնակազմի նախապատրաստում ՝

• Բուժանձնակազմի ձեռքերի մշակում՝ ալկոհոլի հիմքի վրա հակաեխիչ միջոցով, որն ունի ԱՆ հրամանով հաստատված կից մեթոդական ուղեցույց,

2. Անհրաժեշտ սարքավորումներ և պարագաներ՝

• Անհատական պաշտպանության միջոցներ (ԱՊՄ),
• Հականեխիչ լուծույթ,
• Մանրազերծ և ոչ մանրէազերծ ձեռնոցներ,
• Վիրակապական հավաքածու,
• Կպչուն սպեղանի,
• Վտանգավոր բժշկական թափոնների համար նախատեսված տարրաներ,
• Թղթե անձեռոցիկներ,
• Լրացուցիչ մանրէազերծ գործիքներ և բժշկական նշանակության պարագաներ անհրաժեշտության դեպքում:

3. Աշխատանքային ընթացակարգ՝

• Պատրաստել համապատասխան միջոցներով վիրակապական սեղանը,
• Անցկացնել հիվանդի նույնականացում,
• Պացիենտի հոգեբանական նախապատրաստում (գիտակցության առկայության դեպքում),
• Միջամտության նկարագրում (գիտակցության առկայության դեպքում),
• Դիրքի ընտրություն,
• Պացիենտի հետ շփվելուց առաջ իրականացնել ձեռքերի հիգիենիկ մշակում,
• Հագնել ոչ մանրէազերծ ձեռնոցներ,
• Խնամքով և անվնաս հեռացնել վիրակապը,
• Հանել ձեռնոցները,
• Բացել անհատական վիրակապական հավաքածուն՝ պահպանելով հականեխման և ապանեխման կանոնները,
• Բացել մանրէազերծ ձեռնոցները, անհրաժեշտության դեպքում՝ նաև բժշկական նշանակության իրերը,
• Տարայի մեջ լցնել հականեխիչ լուծույթը,
• Ձեռքերը մշակել ալկոհոլի հիմքի վրա հակասեպտիկ նյութով,
• Հագնել մանրէազերծ ձեռնոցներ՝ պահպանելով հագնելու կարգը և տեխնիկան,
• Զննել վերքը և շրջակա մաշկը: Ուշադրություն դարձնել վերքի եզրերին (կպումներ), բորբոքային համախտանիշների առկայությանը (ցավ, այտուց, կարմրություն, հիպերեմիա և այլն),
• Մշակել վերքը, այնուհետև վերքի շրջակա մաշկը հականեխիչ լուծույթով թրջված մանրէազերծ խծուծով մշակել կենտրոնից դեպի դուրս,
• Վերքը ծածկել կպչուն սպեղանիով, կամ անհրաժեշտության դեպքում վերքին դնել համապատասխան դեղամիջոցով վիրակապ,
• Օգտագործված վիրակապական նյութերը և օգտագործված բժշկական պարագաները խոտանել սահմանված կարգով՝ որպես բժշկական վտանգավոր թափոն,
• Իրականացնել ձեռքերի հակասեպտիկ մշակում՝ ալկոհոլի հիմքի վրա հակասեպտիկ նյութով,
• Տեղեկացնել հիվանդին վերքի վիճակի և հետագա գործողությունների վերաբերյալ,
• Բժշկական փաստաթղթերում կատարել համապատասխան գրառում՝ վիրակապության արդյունքների վերաբերյալ,
• Միջամտությունից 15-20 րոպեի ընթացքում հետևել վիրակապի վիճակին,
• Եթե վիրակապը թրջվում է արյունով, տեղեկացնել բժշկին:

ՎԻՐԱԿԱՊՈՒԹՅՈՒՆՆԵՐԻ ԻՐԱԿԱՆԱՑՄԱՆ ԳՈՐԾՈՒՆԵՈՒԹՅԱՆ ԱԼԳՈՐԻԹՄ